د آلمان فدرالي حکومت د رویټرز خبري آژانس هغه رپوټ رد کړی چې ویلي یې دي، صهیونیسټ رژیم ته یې د وسلو او پوځي تجهیزاتو استول ځنډولي دي او ویلي یې دي چې دغه رژیم ته به د وسلو استولو ته دوام ورکړي.
دخپریدو نیټه :جمعه ۳۰ سنبله ۱۴۰۳ ساعت ۱۰:۵۰
د مطلب کود : 297115
افغان غږ خبری آژانس: د آلمان د اقتصاد وزارت ویاند د آلمان خبري آژانس ته ویلي دي: «اسرائیلو ته د وسلو د صادراتو د بندولو اجازه نه ده ورکړل شوې او دغه صادرات به هم بند نشي».
د آلمان د حکومت یوه بل ویاند د آلمان له خبري آژانس سره په مرکه کې ویلي دي: «اسرائیلو ته د وسلو د صادراتو په هکله کوم بندیزونه په پام کې نه دي نیول شوي».
رویټرز د جرمني د اقتصاد وزارت ته د یوې نږدې سرچینې په حواله ویلي چې برلین اسراییلو ته د پوځي وسلو د صادرولو لپاره د نویو جوازونو صادرول ځنډولي دي.
avapress.net/vdca60num49no61.hxk4.html
