د انرژۍ او اوبو وزارت وايي، د نورستان ولایت لیرې پرتو کلیو ته د برېښنا رسولو بهیر به ډېر ژر پیل شي، چې له برېښنا پرته د دغو سیمو د اوسېدونکو ستونزې هوارې شي.
دخپریدو نیټه :سه شنبه ۲۴ میزان ۱۴۰۳ ساعت ۱۵:۵۸
د مطلب کود : 298648
افغان غږ خبری آژانس - کابل: د اسلامي امارت د انرژی او اوبو وزارت مطبوعاتي دفتر څخه په خپره شوې خبرپاڼه کې راغلي چې د نورستان ولایت د سمندري حوزې رئیس مولوي فیصل مختار دغه څرګندونې په یوه غونډه کې وکړې. نوموړي د دغه ولايت له مرستيال مولوي محمد علي فاروقي سره کتلي دي.
د نورستان د سمندري حوزې رييس څرګنده کړه چې دغه پروژه د انرژۍ او اوبو وزارت له خوا د ٢٦ ميليونه افغانيو په لګښت پلې کېږي او په بشپړېدو سره به يې د دغه ولايت د مرکز پارون ښار اوسېدونکي له برېښنا برخمن شي. په لیرې پرتو سیمو کې.
په دې کتنه کې د نورستان ولایت مرستیال د پارون ښاریانو ته د برښنا د برابرولو په برخه کې د انرژۍ او اوبو وزارت کړنې وستایلې او زیاته یې کړه چې اسلامي امارت هڅه کوي چې د هیواد د اوسیدونکو ټولې اړتیاوې پوره کړي. .
نوموړي د دغه ولایت د سمندري حوزې رئیس ته د دې پروژې د ژر تر ژره پلي کېدو په برخه کې د نورستان ولایتي ادارې د همکارۍ ډاډ ورکړ.
avapress.net/vdcc04qi42bqoe8.5ja2.html
ډیری لیدل شوي
