د فوټسال ملي لوبډله به په پرېکنده لوبه کې له اوکراین سره لوبه وکړي

افغان غږ خبری آژانس: د افغانستان د فوټسال ملي لوبډله نن په خپله وروستۍ ګروپي لوبه کې له اوکراین سره لوبه کوي. که لوبه مساوي شي او یا وګټي افغانستان به بل پړاو ته لار ومومي.

 

ارجنټاین د شپږ نمرو په لرلو سره د نړیوال جام په C ګروپ کې ځای خپل کړ.

 

که افغان فوټسال لوبډله د اوکراین له بند څخه تېر شي، نو دوی به د دویمې لوبډلې په توګه د ناک آوټ پړاو ته لار ومومي او د لومړي ګروپ له دویمې لوبډلې (ازبکستان، هالنډ او کوسټاریکا) سره به لوبه وکړي. که د مجيد مرتضايي کسان له خپل ګروپ څخه د دريم ټيم په توګه مخکې شي، نو د لومړي ګروپ د غوره ټيم (پاراګواى) يا د دويم ګروپ له لومړۍ ټيم (برازيل) سره به سيالي وکړي.

 

لوبه به د ماښام په 7:30 بجو ترسره شي.