کډوالو ته د ځمکو پر ویش او هیواد ته د راستنیدونکو پانګوالو لپاره د صنعتي ښارګوټو پر جوړولو ټینګار

افغان غږ خبری آژانس - کابل: د بهرنیو چارو وزارت مطبوعاتي دفتر په یوه خبرپاڼه کې چې سهار د کډوالو د ستونزو د هواري د عالي کمیسیون د غونډې د ترسره کیدو خبر ورکړی دی، د ارګ په خبرپاڼه کې راغلي دي. د ياد کمېسيون د غړو په ګډون د رئیس الوزرا اداري مرستيال مولوي عبدالسلام حنفي په مشرۍ غونډه وکړه

د دغه ریاست د معلوماتو له مخې، په دې ناسته کې د کډوالو د ستونزو د هواري لپاره د عالي کمیسیون د کړنو، دندو او لاسته راوړنو د ارزونې تر څنګ د کار موندنې پلان، د ځمکو د وېش په اړه هم خبرې وشوې. 

دغه راز په دې ناسته کې د کرنیزو ځمکو د اجارې او هېواد ته د راستنېدونکو سوداګرو او پانګوالو لپاره د استوګنې او صنعتي پارکونو د جوړولو په ځانګړي ډول د یاد کمېسیون د کمېټو د طرزالعملونو په اړه هراړخیز بحث او د نظرونو تبادله وشوه. 

باید وویل شي، چې سرپرست حکومت هڅه کوي هغو راستنېدونکو ته چې په دې وروستیو کې خپل هېواد ته راستانه شوي، په هېواد کې د کاري فرصتونو په رامنځته کولو سره د سوداګرۍ زمینه برابره کړي.