آوا - حزب الله: د انسجام د څانګې د مسؤل "وصف صفا" وژنه ناکامه شوه

حزب الله: د انسجام د څانګې د مسؤل "وصف صفا" وژنه ناکامه شوه

له المیادین سره په مرکه کې د لبنان د حزب الله باخبره سرچینو اعلان وکړ چې د حزب الله د همغږۍ د څانګې مشر "وفق صفا" د النویري په ګاونډ کې پر یوې ودانۍ د اسرائیلي توغندیو له بریده روغ وتلی دی.

آوا: اسرائیلي جنګي الوتکو د پنجشنبې په شپه د بیروت ښار په النویري سیمه کې د استوګنې یوه ودانۍ په نښه کړه.

لبناني سرچینو اعلان وکړ چې د پنجشنبې په شپه په بیروت کې د استوګنې پر یوه ودانۍ د اسرائیلو په هوايي برید کې د شهیدانو شمېر ۱۸ او د ټپیانو شمېر ۹۲ ته رسېدلی دی.

لومړی اسرائیلي جنګیالیو په النویري سیمه کې د یوې ۸ پوړیزې ودانۍ پر دریم پوړ بمبار وکړ او په دوهم برید کې یې د فتح الله په څلور پوړیزه ودانۍ بمباري وکړه.

د بیروت د «راس النبا» ولسوالۍ په «النویري» کوڅه کې د استوګنې پر ودانۍ باندې د اسرائیلي جنګیالیو د برید د شهیدانو لومړنی شمېر ۱۸ تنه او د ټپیانو ۹۲ تنه اعلان شوي دي.

په همدې حال کې په حزب الله پورې تړلې یوې سرچینې اعلان کړی چې په دغه برید کې د لبنان د اسلامی مقاومت د همغږۍ د څانګې د مشر وفیق صفا د وژلو عملیات ناکام شوی دی.

صهیونیسټي پوځ نن شپه هم د بیروت په جنوبي برخه کښې د «هر حریک» په سیمه کښې د ودانیو د نیولو غوښتنه کړې ده.