د افغانستان کرکټ بورډ وايي چې د هېواد د کرکټ ملي لوبډله له سویلي افریقا څخه د یو ورځنیو لوبو د لړۍ له ګټلو وروسته نن (سه شنبه، ۳ میزان) کابل ته راورسېده.

آوا - کابل: د افغانستان کرکټ بورډ د یوې خبرپاڼې په خپرولو سره اعلان کړی چې د هېواد د کرکټ د ملي لوبډلې لوبغاړي نن سهار د کابل هوايي ډګر ته ننوتلي دي.

دا لومړی ځل و چې د افغانستان او سویلي افریقا لوبډلو ترمنځ د سیالیو لړۍ ترسره شوه.

د هېواد د کرکټ ملي لوبډلې وکولای شول چې د ۲-۱ په پایلې سره بریا خپله کړي او د افغانستان د کرکټ په تاریخ کې یوه تاریخي لاسته راوړنه ولري.