آوا: دغه رياست نن او سبا په بدخشان، نورستان، تخار، کونړ، ننګرهار، لغمان، لوګر، پکتيا، خوست، پکتيکا، کابل، کاپيسا، پنجشير، بغلان پروان، سمنګان، میدان وردک، غزني، بامیان، دایکندي، غور، بلخ، سرپل، فاریاب، جوزجان، بادغیس، هرات، فراه، کندهار، ارزګان، زابل او هلمند کې د باران او سیلابونو امکان دی.

د نوموړي په وينا، د يادو ولايتونو په بېلابېلو سيمو کې د اورښت اندازه د ١٥ او ٤٥ ملي مترو ترمنځ اټکل شوې ده.

په خبرپاڼه کې دا هم راغلي، چې نن او سبا د هېواد په شمالي، سوېلي، لوېديځو او مرکزي ولايتونو کې هم د باد او دښت اټکل شوى دى.

د دې بادونو سرعت به په ساعت کې له ۵۰ تر ۸۰ کیلومترو پورې وي.