آوا: د اسلامي امارت د پوهنې وزارت مطبوعاتي دفتر وايي، د غزني ولایت په ده یک ولسوالۍ کې د ابو هریره او عبدالغیاس ښوونځیو د ودانیو د جوړولو چارې بشپړې او د تاسیساتو د جوړولو چارې پیل شوې.

 

د افغانستان د پوهنې وزارت وايي، د ملګرو ملتونو د ماشومانو وجهي صندوق د دې ودانۍ پر جوړولو اته میلیونه افغانۍ لګولي دي.

 

د دې ودانۍ په جوړېدو سره سلګونو زده کوونکو ته د زده کړې مناسب چاپېریال برابر شو.

 

تر دې وړاندې ملګرو ملتونو د پوهنې وزارت په همکارۍ په یو شمېر ولایتونو کې نوي ښوونځي جوړ کړي وو.