آوا: CNN د امریکايي چارواکو په حواله خبر ورکړی، چې امریکا داسې نښې لیدلي، چې ایران د اسرائیلو پر ضد د بالستیک توغندیو د احتمالي برید لپاره چمتووالی نیسي.

 

Axios هم د سپینې ماڼۍ د یوه چارواکي له قوله ویلي: موږ داسې معلومات لرو چې ایران پلان لري ډېر ژر پر اسرائیلو توغندیز برید وکړي.

 

د Axios په وینا، امریکا ویلي چې دوی په فعاله توګه د هر ډول ایراني برید په وړاندې د اسراییلو د دفاع لپاره د چمتووالي ملاتړ کوي.

 

نیویارک ټایمز هم راپور ورکړی چې ایران د تل ابیب په شمال کې پر ۳ هوايي اډو او د استخباراتو پر یوه مرکز د توغندیو برید ته تیاری نیسي چې په راتلونکو ۱۲ ساعتونو کې به ترسره شي.

 

CNN هم ویلي: د اسراییلو په خلاف د ایران د توغندیو برید د تیر برید په څیر تمه کیږي.

 

په همدې حال کې دصهیونیسټ رژیم دپوځ ویندوی ادعا کړې ده چې دامریکا مرکزي قوماندې د ایران د ګواښلو لپاره چمتو ده .

 

د تسنیم په وینا، نوموړي دا هم ویلي، چې امریکا اسراییلو ته د ایران د احتمالي برید په اړه خبر ورکړی دی.

 

د اسراييلو د يوه لوړ پوړي چارواکي Axios په وينا: اسراييل باور لري چې ايران به په راتلونکو څو ساعتونو کې پرې بريد وکړي.

 

ټاکل شوې ده چې دصهیونیسټ رژیم د کابینې بیړنۍ غونډه د ایران له خوا د احتمالی بالستیک حملې په هکله له خبرداری وروسته جوړه شی .