آوا: د اسلامي امارت د عامې روغتیا وزارت مطبوعاتي دفتر په یوه بیان کې ویلي، چې په دې پړاو کې ۳۹ تنه نوماندان په لوړو نمرو سره په ازموینه کې بریالي او د متخصص روزونکو په توګه معرفي شول.

 

د ورکړل شویو شمېرو له مخې، د اسلامي امارت له واک ته رسېدو راهیسې د عامې روغتیا وزارت د تخصص عمومي ریاست توانېدلی چې ۸۸ کسان د هېواد په تخصصي روغتونونو کې د متخصصو روزونکو په توګه استخدام کړي.

 

د چارواكو په وينا، په دې سره به هېوادوالو ته د روغتيايي خدمتونو د وړاندې كولو بهير ښه شي.