د خوست امنیتي چارواکي وايي، چې پاکستاني ځواکونو تیره شپه ( ثور۱۱ مه) د دغه ولایت د سپیرې په ولسوالۍ کې پر یو شمیر سمیو هوايي بمبارد او راکيټي بريدونو کړي، چې په ترڅ کې یې څلور افغان ملکيان وژل شوي او اته نور ټپيان شوي دي.
خوست چارواکي: پاکستاني ځواکونو د سپیرې پر ولسوالۍ بمباري کړې
د صدای افغان خبری آژانس(آوا) , 12 ثور 1398 ساعت 13:56
د خوست امنیتي چارواکي وايي، چې پاکستاني ځواکونو تیره شپه ( ثور۱۱ مه) د دغه ولایت د سپیرې په ولسوالۍ کې پر یو شمیر سمیو هوايي بمبارد او راکيټي بريدونو کړي، چې په ترڅ کې یې څلور افغان ملکيان وژل شوي او اته نور ټپيان شوي دي.
د خوست امنيه قوماندان سمونوال سيد احمد بابازي امريکا غږ اشنا ته وويل، چې دغه بريدونه پرون ماخوستن ( ثور۱۱مه)شاوخوا نهه بجې د دې ولايت د سپېرې ولسوالۍ پر يو شمېر سيمو شوي دي.
ښاغلي بابازي وويل، چې په دغو بريدونو کې د سور کنډو، پڅې مېلې، خړه وړه او کاڼي سيمو يو شمېر کلي په نښه شوي، چې په ترڅ کې يې ۸ کورونه نړيدلي او ۲۰ عرادې موټر هم تخريب شوي دي.
د خوست د سپېرې ولسوال محمدعظيم مجاهد امريکا غږ ته وويل، چې دوه ورځې مخکې هم پر دغو سيمو د پاکستاني هليکوپترو له خوا بريدونه او د توپچي ډزې شوې وې.
ولسوال محمد عظيم مجاهد پیښه شوې مرګ ژوبله تاييد کړه او ویې ويل، چې دغه بريدونه پرون ماسپېښين دوې بجې پيل شوي وو او د ماخوستن تر نهو بجو پورې يې دوام وکړ.
هغه ونه ويل چې افغان امنيتي ځواکونو غبرګون ښودلی او که نه خو زياته يې کړه چې افغان امنيتي ځواکونه د دې پیښې څخه خبر دي.
پاکستان د بهرنیو چارو وزارت د تیره ورځ ( ثور۱۱مه)وویل، چې د اپریل په ۳۰ مې شپې او د می د میاشتې په لومړۍ ورځ د پکتیکا ولایت په ګیان او برمل ولسوالیو کې میشت د اویا او اتیاو ترمنځ تروریستان د افغانستان او پاکستان ترمنځ له سرحد څخه هغې غاړې ته تیر شوي وو او په پاکستاني سرحدي ځواکونو باندې یې بریدونه کړي وو.
د پاکستان د بهرنیو چارو وزارت ویلي، چې پاکستاني سرحدي ځواکونو د شمالي وزیرستان پورې مربوط سیمه کې د سرحد په اوږدو کې کټارې جوړولې، چې تر برید لاندې راغلل.
دا اعلامیه وایي" پاکستان پوځ برید په شا وتمبوه او تروریستانو ته يې د پام وړ تلفات واړول".
دا اعلامیه وايي، چې تروریستان له برید وروسته په کوچنیو ګروپونو کې بیرته افغانستان ته ستانه شوي دي.
پاکستان د تروریستانو په تیښته بریالیوب د دغې ډلې پر وړاندې د افغان ځواکونو له خوا د یو مناسبت اقدام د نه ترسره کولو له امله بلل دی.
پاکستان د بهرنیو چارو وزارت د دغه برید په غبرګون کې په اسلام اباد کې د افغانستان شاردافیر هم دغه وزارت ته تیره ورځ غوښتی وو او د دې پیښې په اړه يې ورته د خپل هیواد احتجاج څرګند کړی دی.
د مطلب کود: 184382